Very

Fy Rasolofoniaina

Very

Sombiny avy amin’ny aiko
Izay ahy dia anao
Lazaiko foana hoe ianao lalaiko
Nefa adinonao

Ianao ilay zanaky ny Fitiavana
Ilay tokony hizara indray no mangetaheta
Tinao ho faly izay rehetra mitazana
Ka reraka ianao manakatra lera

Ny maha-ianao anao
Toa very
Ilay fitiavako anao
Lazainao,Mistery

Mora maratra ianao
mora sorena kely
Izao tontolo izao
lasa tinao hiodina aminao irery

Izao rehetra izao sombiniako
Nataoko hanjakanao
Izay rivotra mitsoka indray
no mibaiko,ny fomba fiainanao

Tsy misy hitanao ny harembe efa an-tananao
Toy ny mahantra ny fonao
manjoretra
Mitodika havia, mitodika havanana
Sady te hiavaka
no te hitovy amin’ny rehetra

ny maha ianao anao
toa very
Ilay fitiavako anao
lazainao,mistery

Mora maratra ianao
mora sorena kely
Izao tontolo izao
lasa tinao hiodina aminao irery

Trondro kely misomeby
milomano,avy lavitra ianao
Tsy tonga saina f’izaho anie no
no rano izay manenika anao

Mitrakà kely aloha
avereno amiko ny masonao

Ny maha ianao anao
toa very
ilay fitiavako anao
lazainao,mistery

Mora maratra ianao
mora sorena kely

izao tontolo izao
lasa tinao hiodina aminao irery

Hiodina aminao irery
Hiodina aminao irery

Sombiny avy amin’ny aiko
Izay ahy dia anao

#Reko fy & HisBand