VAHINY

Ny any aminay

VAHINY

Vahiny, vahiny an-tanin’olona
Ka mahatsiaro ilay nilaozana any ho any
Ny alahelo mifanjevo mitambolona
Ny maso koa tomany

Embona miserana iny
Sentosenton’ny mpivahiny
Kalokalon’ny lavi-tiana ho’aho
Ka mitraotra ny fanahy

Any andro, any taona e !
Manantena tsy maintsy hihaona e !
Ho tody soa, hifankahita indray

Any ho any ireo sakaiza
Ilay malala, hava-tiana tsy hohadinoina
Ao i kaky sy i neny izay nitaiza
Veloma sy masina

Tonony sy Feony : NAIVOARIVELO Rakotondratsimba