Tahio hiray fo

Tanora Masina Itaosy

Tahio hiray fo

Raiko tia tahio re ‘ty asanay ity
Asa efa napetrakao ho anay hatrizay
Ny mahasoa sy tsara moa dia fantatrao tokoa
Ka tariho làlana izahay fa Ianao no Tsitoha
Ny toetra ratsy manefitra anay Aminao dia ravao
Fa maika hampikoa ‘reo mbola tsy mifoha

Fiverenana :
Satria mbola ho entinao
Mbola ho entinao hotsaraina izahay
Ny finoana ao anatin’ny tsirairay
Efa fantatrao hatrizay
Aza avelanao hisaratsaraka
Fa TAHIO HIRAY FO hitambatra tokoa

Aza avela hirehareha, hanandra-tena koa
Ny asa rehetra izay atao dia Anao avokoa
Nefa re Jesosy ô! Nofo sy rà izahay
Mba jereo amin’ny indrafonao sy hazavao ny sainay
Ny toetra ratsy manefitra anay Aminao dia ravao
Fa maika hampikoa ireo mbola tsy mifoha

Fiverenana : Satria mbola ho entinao …