Sylvie

Kamary

Sylvie

Demoiselle Sylvie
Mbola zaza in’ndry
Maikamaika ny ho aiza
Tsy aleo tonga taiza
Vao mba miana-mandeha
Toa efa dodona ery
Hitsapatsapa fitia
Miala mandry tsy miera
Sao hono tsy avela
Ka ho sorisory eo

Mitondra fakam-panahy
Ho an’ireo zazalahy
Izay mety ho revo ka sahy
Izay vao tena mafaitra
Fa ilay ngidy tsy laitra
No voatelin’i Ndry
Diso paika satria
Nandamoka ilay dia

Rehefa taty aoriana


Tody soa izay niriana


Forongon-datsam-pijaly


Sy toloko tomany


No mba nentiny avy any

Toa mandatsa avokoa
Ireo zava-bita taloha
Ny nenina tsy ao aloha
Fa avy ao aoriana miamboho
Handatsalatsa izay voa

Inay any aho fony kely


Nihaino ny anatr’i neny


Izay nandrara ahy teny


Fa rano latsaka an-tany 


Tsy hay ho raofin’izany


Fa ny mangina no tsara


Aoka izay ho tantara


Izay angaha no efa anjara

SolInvictus110