RY FOKO O!
Vetson'ny Fanantenana Bemasoandro
RY FOKO O!
- Ry foko ô mangina ka mitonia
Eny fa na dia mafy ny ady ety
Henoy ny feon’i Tompo Ray ’lay be fitia
Manolotra anao ny Tanany
Ekeko fa masika ‘reo ‘zay tsy tia
Mikendry handavo sy hanakodia
Jesôsy anie miantso anao hoe avia
Aza matahotra fa matokia
REF:
Isaorako Anao ry Tompo tia
Izao fisedrana tena mahamay izao
Fa raha toa ka tsy nandalo izao aho
Dia tsy nahatsapa izany Herinao
Ka indro hatsangako ny tanako izao
Izaho tsy hivadika Aminao
Na misy ady mafy sady sarotra
Hanompo Anao tsy hiady varotra aho
2)Ry foko ô, mba aok’izay ny tomany
Fa fitsapana mandalo ihany
Izany no fiainana ety an-tany
Kanefa aza kivikivy izany
Fa na dia maizin-kitroka aza ny andronao
Tsy maintsy ho tonga ny maraina vao
Ka n’inona n’inona zava-mitranga
Io lanitra io tsy maintsy ho manga
REF:
Isaorako Anao ry Tompo tia
Izao fisedrana tena mahamay izao
Fa raha toa ka tsy nandalo izao aho
Dia tsy nahatsapâ izany Herinao
Ka indro atsangako ny tanako izao
Izaho tsy hivadika Aminao
Na misy ady mafy sady sarotra
Hanompo Anao tsy hiady varotra aho
A/C: Ny Aingafito
By Sandy RANDRIANAIVO