RAHA TSONTSA

Raha tsotsa, lahy, ‘lay silaky ny aina
Dia aza atositosika na latsaina !
Raha diso ka potrak’ilay olon-tiana :
Areno malaky fa aza tsindriana !

Ny fitiavana : tsy mifanala-baraka
Satria farimanga mifaningo-paka,
Sy tantely manatody amim-pary:
Miray samy mamy ka tsy mifanary !

Vilany mihilana : adidin’ny toko !
Koa raha ny solanga no mihajoko
Vonjeo fa tsy tokony afoy velively
Areno dia ataovy fitia fozakely !

Dany Ranoa 1958

January 01, 0001 ·