Maraina

Fangia Kalo Gasy

Maraina

Tomara-maraina e! ry lanitra iry!
Manefy ny fanantenan’ny fo, fanahy sy saina !
Fa iny masoandro, tsy mianga-pitia !
Samy omeny ny tarany ny miaina !

Ny tazon’ny omaly, dia indro misava,
vao tsenain’ny tsikin’ny androa avy eny atsinanana.
Fa tsisy toa azy lay tara-mazava,
tsy manavaka ny ory sy ny manana.

Asakasak’izay tsy hifoha,
hisakambina aretina an-doha,
tsy hitsena amin-joto, hasoava-mitosaka,
f’efa fanantenana no miposaka.

Zara manko aza, misy maraina
mbola ahafahan’ny miaina
miandrandra fa ho azony zay ilaina.

Tonony sy feo: Ny R. Fidimanantsoa