MANAM-PINOANA
Ny ANTSAN'NY FAMONJENA
MANAM-PINOANA
Matetika loatra ny saiko,
No miasa sy be fanahiana
Mametra-panontaniana
Rahoviana? No fotoana hihavianao
Satria raha ny zavatra haiko
Dia tsy hita ho visavisaina
Hariva sa andro maraina
Vao maraina, fa tampoka be ohatr’izao
Ianao Ilay namboatra fitoerana ao an-tranon’ny Ray
Ilaay ho avy ka mbola hiverina hitsara no sady handray
Na olo-tsy mendrika aza aho manana fanantenana
Fa hanana mpisolo vava aho hiatrika ny fitsarana
Manam-pinoana aho, fa raha mbola velona ihany
Raha mbola tsy miala eto an-tany,
Dia hiara-hihira ny hiran’ anjely, hihoby ny fihavianao
Tsy hila fanazavana aho, tsy hiandry fahagagana
Fa manam-pinoana aho ny fiainana mandrakizay
Kanefa raha tapitra ny andro nomenao hiainako ety an-tany
Haoriko androany ny fanantenako fa izaho dia anisan’ny ho any
Manam-pinoana aho, raha maina fa mety malazo
Ny aina izay toa voninkazo
Ho resy ny fasana izay niandrasana hitsangana aho hidera anao
Mino sady manantena, f’ isan’ izay hovonjena
Fa manam-pinoana aho hitoetra ao an-tranon’ny Ray
Manam-pinoana fa manana anjara aminao aho e
Manam-pinoana hiaina fiainam-baovao aho e
Manam-pinoana hitoetra ao antranon’ny Ray aho e
Manam-pinoana ny fiainana mandrakizay
Manomboka androany ny saiko, dia tsy mba ho be fanahiana
Tsy hametra-panontaniana , rahoviana ?
Ny fotoana hiavianao
Satria raha ny zavatra haiko, izay mino an’i Jesosy zoky
Dia afaka ny mahatoky, fa hiara-hitoetra aminao
Fa manam-pinoana aho.