Ilay Tompo

Bodo

Ilay Tompo

Mihorohoro ny tany sy ny lanitra
Maloka feno alahelo ny olona
Raha mandre ny feo mitaraina izao
Mampangoraka, antra ny fo

Ray oh ! Esory ity kapoaka ity
Fa mila haningotra ny aiko izao ka avia
Fa nahoana no dia mahafoy ahy Ianao
Raiko oh! Inty ny zanakao

Fa horaketiko ato am-poko
Ny fotoana niharetanao ho soloko
‘Reo ratra nampaory Anao
Tsy ho zakako rah ny aiko izao
Jesosy oh! Fa tena tia ahy loatra Ianao

Ka ny azoko ambara anio
Ny heloko voasasa ka madio aho
Teo amin’ny hazo fijaliana
Niharetanao fahoriana
Ry Tompo oh! Mba ho famonjena ahy

Raha niandrandra nibanjina ny lanitra aho
Tsinjoko eto ny haben’ny famindram-ponao
Tsy nijery ny tao am-ponay Ianao
Ny rehetra no novonjenao

Ny otanay nentinao tao Kalvary
Tsy navela hijaly izahay sanatria
Fa fitia toy ny ahoana no atolotrao
Dia ny ainao re natao sorona

Fa horaketiko ato am-poko
Ny fotoana niharetanao ho soloko
Reo ratra nampaory Anao
Tsy ho zakako raha ny aiko izao
Jesosy oh! Fa tena tia ahy loatra Ianao

Fa ny azoko ambara anio
Ny heloko voasasa ka madio aho
Teo amin’ny hazo fijaliana
Niharetanao fahoriana
Ry Tompo oh! Mba ho famonjena ahy o o o