Iarinala

5x5

Iarinala

Ny asabotsy alina aho nandeha nandeha
Ny ampitso maraina aho hamonjy andry
Nitady anao ny tontolon’ny andro
Tsy nahita anao mandra-podin’ny masoandro
Manina anao ka tsy maintsy makany
Na lavitra aza ny elanelan-tany
Ny torimaso dia tsy hita amin’izany
Nohon’ny fitiavana anao ihany

Iarinala ô
Hiarina aho lala ô
Iarinala ô
Marina aho fa rendrika

Nipetrak’aho fa rerakin’ny dia
Sasatra mitady anao tety
Efa nangina ny zavaboary
Ny faniriako dia tsisy manjary
Manjombona ny andro sady merika
Lasa vinany aho nieritreritra
Ho tapak’hevitra aho fa hitodi-doha
Hody aho fa tezitra mivonto fo

Iarinala ô
Hiarina aho lala ô
Iarinala ô
Marina aho fa rendrika

Njay nisy feo tao aorinako tao
Nitodika aho ka io ianao
Faly aho no sady sahirana
Nijaly aho vao mba mirana
Ela ny ela ka nifankahita
Saingy fohy ny fotoana niresahantsika
Mandroso ho alina ny andro ety
Hody aho sao tara fiaran-dalamby

Iarinala ô
Hiarina aho lala ô
Iarinala ô
Faly aho fa nahita anao

Iarinala ô
Hiarina aho lala ô
Iarinala ô
Izay ihany no tsy haritro