Hita tsy notadiavina
Erick Manana
Hita tsy notadiavina
Hita, Hitako
Hitako tsy notadiavina
Lafatra, Lafatro
Amboloiko tsy fantatro anarana …
Tia, Tiako
Tena tiako na tsy fantatro
Tsy taza-maso fa hitan’ ny fo
Tsy misy fika fa efa anjarako …
Sampy sy angamba mosaviko
Izy no ody tambaviko
Vaha fanainga lavitro
Fanalahidin’ ny foko …
Hira kaloin’ ny fanahiko
Raha manalavitra arahiko
Tsy takatra hianihina
Iriko ho sarihina …
Tsapa, Tsapako
Na dia tsy aiko ho faritana
Reko feo manako
Hiako anaty fahanginana …
Vela, Velako
Paikako anaty fanorona
Nahazo laka, tsy misy indra-fo
Handrava ve sa kosa hanorina …