Fiainam-baovao

Ny Andry

Fiainam-baovao

Izay fo sahy mifanngia
Sy fanahy iray
No mifankatia
Sy haharitra doria
Ho mandrakizay
Mandrapialanao ety

Satria, Satria ny fitia
Tsy atao kilalao
Na kivazivazy
Fa ho lamban’akoho,
Hitoetra ela be
Fa tsy ho simba hoazy

Be izay mihevitra fa hoe ny fitia
Dia mandalo sy mihelina ihany
Diso izy ireny fa satria
Tsy mahatsiaro na mody minia

Matoa tsy tanteraka
Ireo izay nokasaina
Ka dia rava maina,
Ny fitia ho heverinao
Tao amponao tao
Ho lasa sy nandao

Raha nitambatra ho iray
Fo izay nifandray
Ho mandrakizay
Dina, voady, velirano
Hanorin-tokantrano
Ho fiainam-baovao

Be izay mihevitra fa hoe ny fitia
Dia mandalo sy mihelina ihany
Diso izy ireny fa satria
Tsy mahatsiaro na mody minia

Raha hitambatra ho iray
Fo izay mifandray
Ho mandrakizay
Dina, voady, velirano
Hanorin-tokantrano
Ho fiainam-baovao