Fanoloran-tena
Groupe Lalao
Fanoloran-tena
Jesô ô ry Zokiko malala ô,
Fantatro ny fitiavanao ahy.
Na dia ratsy sy mpanota aza
Dia nalatsakao ny ranao ho ahy.
Jesô ô, ankehitriny izao
Indro aho manatona Anao,
Ô mba raisonao Mpamonjy tia
Vonona hanao izay sitrakao.
Eo anaty ranon’ny batisa,
Indro efa hirosoako izao,
Mariky ny fanoloran-tena
Lalana izay efa nandehananao
Ho voalatsa, na hoesoina aza
Tsy ahoako izany Tompo ô
Ô mba raiso aho Jesô malala ô
Fa maniry hanara-dia Anao.
Ireo didy folo izay nomena
Masina filamatra tokoa.
Hotandremako amim-pahendrena
Ho voarakitra, hitoetra ao am-po
Ilay Andronao tsy azo afindra
‘Lay Sabata nitsaharanao
No hasandratro Ambony indrindra
Mba ho fantatr’izao tontolo izao.
A/C : AMS