Aza manambe

Tselonina

Aza manambe

Tsy mahazaka taona
Fa entin’ny andro
Tsy mahazaka taona
Ny areti-nify sy ny aretin-tazo

Manaintaina mandrovitr’aina
Ny fara vazana fara-nofo
Miolankolana mitolon’ondana o
Ity aho mba mikisikisina eo anilan-dry
Aza manambe
Sitrana k’aza manambe

Tsy mahazaka taona
Fa entin’ny andro
Tsy mahazaka taona
Ny areti-nify
Sy ny aretin-tazo

Mampalazolazo manapa-kira
Ny aretin-tazo
Noentin-jaoridira
Mitana fofona
Amin’ny fonon’ondana
Ity aho mba mamela manitra eo anilan-dry
Aza manambe
Sitrana k’aza manambe

Mahazaka taona
Ny aretin-tazo
Mahazaka taona
Ny aretin-tazo
Raha sara-bady

Mamehy valizy ilay olon-tiany.
Nipitsipitsika ny ankohonany
Niha-nalalaka ny fandriany
Nifanindry ny ondana o
Sanatria tsy mba latsalatsa
Ny anay rahalahy
Aza manambe
Sitrana k’aza manambe