Aok'izay

Bodo

Aok’izay

Aoka izay ngidinao
O! ry vintako tsy tsara
Fa ifonako tokoa
Maty aho fa mitsahara
Midaraboka mianjera efa tsy maharin-tena
Asanao raha dia ho sahy
Irony tsindry hazo lena

  He ’ty hoditry ny foko


  Miepakepaka tsy nahy


  Fa voarangotrao daholo


  Na ny saiko na fanahy


  Dian’antsy dia-nify 


  No natentinao ny foko


  Dray ry vintako malala 


  Manafotra ahy ny mitoloko

Asanao ry vintako
Maty aho aminao e
Asanao tokoa tokoa
Asanao dia asanao
Raha hijery ity toloko
Apotrapotrako tsy miato
Na ho faly ny hatoriako
Eo am-parafara vato.

Lahatsoratra: Rabehajaina Justin